Drèents Dictee 2006
Het begunt der al aordig um te spannen. Lu die nog drok an de studie bint, moet der misschien nog drokker achterheer, want… vrijdag 31 meert is het Drèents Dictee; rechtstreeks op TV Drenthe um 19.00 uur ’s aovends. Het pregram waorin het oetzunden wordt, is ‘Drents Maaiveld’, dat hielemaol in het tieken van de streektaol staon zal. Je kunt in hoes metschrieven en zölfs metan doen veur de priezen. Dan moej wal over internet met lienpost beschikken, want je moet je dictee vlot opsturen.
Oproep!
As der lu in ’t boetenlaand bint, die metschrieven wilt met het dictee én de beschikking hebt over een webcam, zulden die dat an oes deurgeven willen (drentsetaol@pbcdrenthe.nl) . As het technisch meugelk is, brengt TV Drenthe je in hiel Drenthe in de hoeskamers.
